PPF कॅल्क्युलेटर

PPF म्हणजे पब्लिक प्रॉव्हिडंट फंड, ही केंद्र सरकारची दीर्घकालीन बचत योजना आहे. खात्याचा मूळ कालावधी १५ वर्षांचा असतो आणि त्यानंतर तो ५ वर्षांच्या टप्प्यांत वाढवता येतो.

एका आर्थिक वर्षात किमान ५०० आणि जास्तीत जास्त १,५०,००० रुपये भरता येतात. व्याजदर सरकार दर तिमाहीला जाहीर करते, त्यामुळे तो पुढे बदलू शकतो. इथे तुम्ही सध्याचा दर टाकून अंदाज घेऊ शकता.

या कॅल्क्युलेटरमध्ये दरवर्षीची गुंतवणूक, व्याजदर आणि कालावधी टाकल्यावर एकूण गुंतवणूक, जमा होणारे व्याज आणि परिपक्वता रक्कम मिळते. तक्त्यात प्रत्येक वर्षाची शिल्लक वेगळी दिसते.

PPFची सर्वात मोठी जमेची बाजू म्हणजे भरलेली रक्कम, मिळणारे व्याज आणि परिपक्वता रक्कम या तिन्हींवर सध्याच्या नियमांनुसार कर लागत नाही.

हिशोब सोपा राहावा म्हणून इथे वर्षाच्या सुरुवातीला एकरकमी भरणा गृहीत धरला आहे. प्रत्यक्षात व्याज दरमहा किमान शिल्लकेवर मोजले जाते, त्यामुळे महिन्याच्या ५ तारखेपूर्वी भरणा केल्यास प्रत्यक्ष रक्कम थोडी वेगळी येऊ शकते.